育兒問題Q&A:1-2歲——小朋友脾氣大,坐唔定!我可以點做?

 

我嘅小朋友宜家歲幾兩歲,經常扭計發脾氣,仲好似進入咗叛逆期一樣,成日唔聼父母指示。明明以前佢都算乖,點解大個小小反而變得唔聽話呢?我可以點做好?

小朋友係1-2歲嘅時候經歷緊情緒敏感期,情緒反應會開始豐富,甚至開始試探父母底綫,包括成日對指示講「唔好」、唔開心嘅時候會發脾氣都係正常表現。只要家長正確應對,甚至可以開始培養BB守規矩、自律同專注。

一:俾小朋友學習正確表達自己嘅情緒

多留意孩子嘅表情變化和牽動佢情緒嘅因素,並以簡單的字詞描述佢感受;都可以同一齊讀有關情緒繪本,好似之前分享過嘅Baby Happy Baby Sad,重複開心同唔開心兩個詞,不斷用畫面呈現,令小朋友知道自己嗰種唔舒服嘅感覺原來叫「唔開心」,識得表達出黎自然就唔會發脾氣啦!

二:適當嘅關懷

當BB感到安穩就會專注玩同探索,但係情感上仍需要你嘅看顧、陪伴同安撫。佢呢種時而親近、時而不瞅不睬嘅表現可能唔容易掌握,但只要你能接納並適時關懷佢,便有助建立佢對你嘅安全感。

 

三:合適嘅界綫

父母設下界綫,原意係想幫助小朋友遠離危險,例如叫1歳小朋友唔好掂刀同火,唔可以衝出馬路。但假如設下太多界綫或唔清晰嘅界綫,咩都唔掂得,或者一時可以一時唔得,小朋友可能會失去探索能力。作爲父母,我地應該如何設定界綫?

三個原則:

尊重自己、尊重他人、尊重環境。

小朋友衝出馬路,可能會傷害自己,影響他人。呢個時候就要阻止啦!

小朋友係寬敞平地爬/走,只要附近無危險,不妨允許小朋友探索!

蒙特梭利嘅觀點認爲,BB天生係喜歡求知、喜歡探索嘅,唔提供滿足BB求知慾的事物,會令小朋友暴躁。只要滿足BB嘅求知欲,佢就會平靜落黎喇!

 

教BB學守規矩同專注其實有好多特定嘅方法,好似呢本書由蒙特梭利專家親自教授為小朋友確立規矩,變得穩定嘅原則,非常值得學習。

自控能力嘅建立基於BB嘅專注能力同自信,令佢可以停落黎諗一諗。

用Pebble Stone同Rainbow Waterbeads同BB玩Sensory Play,可以俾小朋友從觸覺上了解呢個世界,滿足BB嘅好奇心。同時,用以上教具玩顔色分類游戲都可以訓練小朋友嘅耐性同專注力。Pebble Stone可以俾BB玩疊石仔游戲,極考驗BB手眼協調同定力,都對培養專注力好有幫助。